بلوجر أم ووردبريس 2023: أيهما أفضل Blogger أم WordPress؟

إذا كنت ترغب في عمل مدونة على الإنترنت و تبدأ عملية العمل الحر على الإنترنت و الربح من التدوين, فقد تجد حيرة كبيرة في البداية عند اختيارك نوع المنصة التي تبدأ عليه رحلتك في التدوين, ولعلك تساءلت هذا السؤال: أيهما أفضل؟ بلوجر أم ووردبريس؟

لذا من خلال هذا المقال والفيديو سأجيبك على سؤالك بالمعلومات التي تحتاجها وتمكّنك من ان تخرج بعدها و أنت واضح لديك وضوحا تاما الفرق بين بلوجر ووردبريس, وتستطيع بكل سهولة تحدد أي منصة هي الأنسب لك سواء كانت بلوجر أم ووردبريس

(ان شاء الله هخليك تطلع من الفيديو دا وانت عارف كل حاجة عن بلوجر ووردبريس ومقرر بكل أريحية تختار أي منصة فيهم, فتابع الفيديو للنهاية)

بلوجر و وردبريس و كذلك Joomla و squarespace, كلها منصات بتسمى منصات إدراة المحتوى, أو CMS و اللي معناه Content Mangement system ومن خلال المنصات دي بتقدر أنت كمستخدم عام تدير موقعك والمحتوى عليه بدون ما تحتاج لخبرة في البرمجة أو تصميم المواقع, على عكس لو موقع متصمم من الصفر فكل حاجة هتحتاج كود علشان يتم ترجمته للصورة اللي أنت محتاجها. جيد إلى الآن؟

Trending

كيف تجد الوقت لتحقيق أهدافك وزيادة إنتاجيتك؟

تعقد المقارنة بين ووردبريس وبلوجر تحديدا لأنهما أشهر و أكثر منصات إدارة المحتوى استخداما على الانترنت, ووردبريس بمفرده يستحوذ على أكتر من ثلث مواقع الانترنت,حوالي 41.2% وبلوجر بتستمد قوتها من الشركة المالكة له وهي جوجل العملاقة

(هغير لهجتي للعامية ونخليه كحوار ودّي بيننا وبين بعض علشان أبسطلك المعلومة:D)

طيب دلوقتي عاوز أعرف أنا كمدون أنوي بداية مدونة على الانترنت بالنسبة لي؟ أيهما أفضل؟ بلوجر أم ووردبريس؟

علشان تعقد مقارنة عادلة بين شيئين لابد من وضع صفة ثابتة و النظر إلى الشيئين من خلال هذه الصفة وتقييمهما بناء عليه

لذا فأهم أوجه المقارنة التي نحتاج أن نقيس عليهما جودة المنصتين هي: المرونة وسهولة التحكم والأمان والسرعة و كذلك تحسين محركات البحث و طبعا من خلال سهولة وتعدد خيارات الربح منهما, و أهم نقطة ممكن ينظر لها من يبدأ هي التكلفة الاجمالية التي يحتاج إليها لإنشاء مدونته, فـ أيهما أفضل؟

أولا#1 من حيث تكلفة الإنشاء: أيهما أفضل؟ بلوجر أم ووردبريس؟

لو عاوز أبدأ أعمل مدونة على ووردبريس محتاج إيه؟, ولو عاوز أعمل مدونة على بلوجر أعمل إيه؟

لإنشاء مدونة على ووردبريس واللي أقصد بيه wordpress.org وليس wordpress.com ف هتحتاج إلى استضافة و إلى دومين, و أنا دايما بشبه الاستضافة بالشقة اللي هتنقل فيه العفش اللي هو محتوى موقعك و الدومين هو مفتاح الشقة

أنت العفش هتعمله بنفسك (اللي هو المحتوى الخاص بك) إذا هتحتاج تشتري استضافة و دومين اللي هما شبهناهم بالشقة والمفتاح

شركات الاستضافة و الدومينات كتيرة جدا زي Hostinger أو Namecheap,

الاستضافات منها الكويس ومنها السيئ, ومنها الغالي ومنها الرخيص, وعلشان أوفر عليك هحطلك روابط في وصف الفيديو تشتمل على مجموعة من أفضل الشركات اللي جربتها شخصيا واللي ذات سمعة جيدة, واللي هتوفرلك خصومات بتصل ل90 في المية لبعض الشركات, هتلاقيهم مكتوبين بالتفصيل أسفل الفيديو (وهحطهملك هنا برضه)

• هوستنجر, وهي الشركة المستضيفة لموقعنا الساعي للتعلم الذاتي
• بلوهوست, شركة ذات جودة عالية وممتازة, دا رابط خصم على باقات بلوهوست, وخصملي شخصيا حوالي 1000 جنيه عند إنهاء عملية الشراء: https://bit.ly/3bep6pxهوستنجر, وهي الشركة المستضيفة لموقعنا الساعي للتعلم الذاتي
• Namecheap: رابط خصم يصل ل90% على باقات نيم شيب: https://namecheap.pxf.io/YEoeK
• WPX
• Interserver بتقدم خصومات عالية تصل ل100 دولار, وأسعارها رخيصة نسبيا, بس لم أجربها بعد

أما بلوجر ف زي ما ذكرت في فيديو الدومين سابقا على القناة, ممكن تبدأ مجانا بدومين مجاني وبالنسبة للاستضافة فلن تعول همها لان بلوجر مستضافة على سيرفرات وخوادم جوجل نفسها, أو تقدر تشتري دومين بكام دولار لكن يكون خاص بيك ومتخصص على رغبتك, وهسيبك برضه كوبونات وخصومات أسفل الفيديو

لكن مهم تفهم هنا إن مفيش شيئ ببلاش, بمعنى إيه؟ بمعنى إن أنت آه هتدفع في وردبريس أكتر من بلوجر بل ممكن متدفعش في بلوجر أصلا, لكن في المقابل هيكون لجوجل سلطة على مدونتك على بلوجر عكس ووردبريس اللي بيكون ملكية خاصة بيك, ودا معناه إنك في حال خالفت شروط وقوانين جوجل ممكن تعرض مدونتك وكل شغلك للحذف والخسارة وتبقى ضيعت مجهودك هباءا

نقطة مهمة كمان في النقطة دي, إحنا هنا لما بنتكلم عن ووردبريس فبنتكلم عن ووردبريس. أورج ودا لا ووردبريس.كوم, هو ذاتي الاستضافة, تقدر تستخدمه مجانا ولكن بدومين ووردبريس, يعني بيكون الرابط بتاع مدونتك عبارة عن اسم الموقع دوت ووردبريس دوت كوم, وهتحتاج تعمل ترقية وتشتري دومين لو حابب تخليه دومين مخصص لك, ززي بالظبط ما وضحتلك في فيديو الدومين اللي شرحته ضمن دورة بلوجر, تقدر تبقى ترجعله

كدة المختصر: بلوجر غير مكلف على عكس ووردبريس, ولكن ووردبريس بيتيحلك حرية وأريحية التحكم المطلق في مدونتك وموقعك

ثانيا#2 الفرق بين بلوجر و ووردبريس من حيث مرونة الاستخدام وسهولة التعديل

مرونة الاستخدام و سهولة التعديل والتغيير على مدونتك

أغلب اللي بيبدأ مدونته على بلوجر أو ووردبريس بيكون معندوش خلفية برمجية علشان كدة بيلجأ ليهم كوسيلة سهلة تمكنه من تحقيق هدفه في إنشاء المحتوى ونشره

بالنسبة لبلوجر, فالموضوع بيكون بسيط جدا, مجرد يكون عندك حساب جيميل, ومن خلاله تقدر تنشأ مدونتك مباشرة من خلال بلوجر دوت كوم

و بإمكانك تعمل 100 مدونة على نفس الحساب,

ولكن ع الرغم من سهولة الإنشاء إلا إن التعديل على تصميم و هيئة المدونة ممكن يتطلب منك تدخل مباشر مع كود المدونة ويكون عندك معرفة بلغة html ة javascript

عكس ووردبريس

على الرغم من إن بيتيحلك فرصة التعديل الكاملة إلا إنه ممكن متحتجش تستخدم أي كود , ودا من خلال إنك بتستخدم إضافات و أدوات مجانية ومدوفوعة وكذلك القالب اللي محتاجه والتصميم اللي عاوزه, وكل تعاملك من خلال لوحة التحكم والاضافات, ووردبريس نفسه بيقدملك آلاف القوالب الاضافات والادوات المجانية بتقدر تستخدمها من خلاله,

وكمان فيه متاجر بتوفرلك قوالب وتصميمات و إضافات مخصصة, لو حابب تستخدم حاجة خاصة بيك تميز مدونتك, ولكن طبعا إنت ممكن تكون في البداية مش محتاج تتكلف, إلا لو عاوز تبدأ بداية احترافية من البداية

وبرضه ممكن أسيبلك رابط خصم لأشهر متجر للقوالب والاضافاات أسفل الفيديو

علشان أختصر عليك في النقطة دي و يكون الموضوع واضح وبسيط:

بلوجر سهل وسريع الاستخدام خيارات التعديل فيه مش كبيرة, عكس ووردبريس, تقدر تعدل فيه بالكيفية والشكل اللي انت عاوزه للهدف والغرض اللي أنت عاوزه

ثالثا#3 الخصائص التي توفرها لك كلتا المنصتين

بلوجر بتقدملك مجموعة خصائص و أدوات عند استخدامك لمنصة بلوجر تتيحلك التتعديل والتخصيص على المحتوى والتصميم الخاص بيك, لكن للأسف بتكون مقيد في إطار التدوين, مبتقدرش تخصص بلوجر و تشكّلها بالكيفية التي تحتاج إليها,

يعني نفترض مثلا إنك بتكتب مقالات عن الكتابة, وجيت حبيت تعمل متجر لكتبك وتبيعها من خلال مدونتك, دا مش هيكون متاح على بلوجر, على عكس ووردبريس, تقدر تضيف و تعدّل و تزوّد في الوظائف براحتك, ودا زي ما قولتلك بيكون من خلال إضافات و أدوات بتسهل عليك تحقيق هدفك دون التدخل البرمجي.

وبكدة: بلوجر محدود, عكس ووردبريس, تقدر تعمل فيه الشكل والتصميم اللي محتاجه, سواء مدونة أو متجر أو غيره

رابعا#4 أيهما أكثر أمانا, بلوجر أم ووردبريس؟

مدونتك على بلوجر هي في إيد العملاق جوجل وعلى خوادمه فبتكون الحماية حماية جوجل, ولكن بتكون المشكلة في إنه لو حصل أي مشكلة أو أنت خالفت قواعد جوجل وحذف مدونتك فبيكون صعب عليك ترجعها مرة تانية بل مستحيل

على عكس ووردبريس, ووردبريس عموما أمان, ولكن لكونك بتتحمل مسؤولية ملكية مدونتك واستضفاتها فبالتالي بتكون حمايتها مسؤوليتك

ولكن لأنه زي ما قولتلك كل شيئ تقدر تعمله على ووردبريس بدون تدخل برمجي منك أو خبرة سابقة ف تقدر تستخدم أحد أضافات الأمان علشان تحمي بيها مدونتك ومحتواك

كمان الميزة في ووردبريس إنه بيتحيلك تاخد نسخة احتياطية لموقعك وفي حال حذفه أو حصول أي مشكلة فيه تقدر تستعيده بكل سهولة

خامسا#5 الدعم الفني

من الأمور المهمة اللي لازم تحطها في اعتبارك سواء في اختيار المنصة او بعدين وانت بتتشتري مثلا قالب أو اضافة او غيره, هو مدى جودة الدعم الفني وسرعة رده

وهنا المشكلة, بلوجر لكونها خدمة مجانية بتقدمهالك جوجل, فمش بتوفرلك اتصال مباشر مع دعم فني وبيكون مجرد منتدى لطرح واجابة الاسئلة من خلال اعضاء المنتدى

عكس ووردبريس, فكل شيء فيه بيكون ليه دعم فني خاص بيه, ووردبريس نفسه فيه منتدى دعم, و تقدر تتواصل مع دعم فني مباشر, و الاستضافة اللي هتشتريها فيها دعم فني شخصي يرد عليك, و أي قالب او اضافة بتلاقي ليه دعم فني خاص بيه, ودا بيخليك مطمن دايما انك لو وقعت في مشكلة او احتجت مساعدة هتلاقي اللي يساعدك في حلها

المختصر: ووردبريس أسهل في الدعم الفني

سادسا#6 من حيث محركات البحث والـSEO

الاتنين حسب أداءك و اهتمامك وعنياتك بالسيو بتاع المدونة هيحققوا معاك النتايج المرغوبة بإذن الله

بلوجر ابن جوجل و وردبريس منصة قوية مليانة أدوات و وسائل لتحسين ظهورك على محركات البحث, فالموضوع هيعتمد أكتر على أداءك أنت غالبا

سابعا#7 وسائل الربح على بلوجر أفضل أم ووردبريس؟

سواء بلوجر او ووردبريس فالاتنين تقدر تربح من خلالهم

لكن ع حسب وسيلة الربح اللي بتستهدفها ع حسب ما تقدر تحدد انهي منصة تبدأ عليها

يعني لو مثلا غرضك الربح من جوجل أدسنس فالاتنين متاحين ليك وبالتالي الحكم يكون مبني على أوجه تقييم تانية

أما لو غرضك مثلا تبيع كورس او منتجج خاص بيك ف دا صعب على بلوجر لمحدودية فرص التعديل عليه, والعكس بالعكس على ووردبريس

وهكذا

أخيرا المقارنة من حيث التصميم والمظهر الخارجي

فطبعا التصميم الشكلي والخارجي, أو ملكية المدونة وحرية التحكم فيها دا وضحتهولك وبقيت عارفه خلاص الأفضل من حيث التصميم بلوجر أم ووردبريس

بنصحك تاخد قرارك من البداية, لأن عملية النقل من بلوجر للووردبريس بعد فترة مش هتكون في صالحك, حتى لو كان الضرر بسيط ولكن هيزال فيه ضرر وخسارة في ترتيبك ومستوى الSEO لموقعك على عكس لو بدأت على ووردبريس تقدر تنقل من استضافة للتانية بكل أريحية عادي جدا

علشان كدة مهم تقيّم موقفك و أهدافك ونيتك المستقبلية وتاخد قرارك عن ثقة و اقتناع

طيب إيه الزتونة بتاع الفيديو دا؟ باختصار نقدر نقول تختار بلوجر لو عاوز مجرد مدونة شخصية ليك تنقل عليها افكارك و محتواك, او لو مش عاوز تتكلف فلوس, لكن لو ليك أهداف كبيرة ورؤية مستقبلية متطورة وناوي تغير وتعدل بشكل مستمر يبقى خليك في ووردبريس أفضل لك

أنا حاولت من خلال الفيديو أوضحلك أغلب الأمور اللي تهمك, والقرار طبعا هو لك وحدك

أتمنى أكون حققت الهدف من الفيديو و ساعدتك في اتخاذ قرارك و إزالة أي غموض أو تشتت

إن شاء الله في الخطة أعمل كورس لووردبريس زي ما عملت دورة لبلوجر, فلو متحمس للموضوع عرفني في الكومنتات علشان أتشجع في بداية تصويره

أتمنالكم التوفيق, أشوفكم في فيديوهات قادمة نافعة بإذن الله والسلام عليكم ورحمة الله وبركاته